Ministri i Jashtëm i Shqipërisë, Igli Hasani ka bërë të ditur se në mbledhjen e Këshillit të Ministrave është marr vendim që të hapen ambasada në Kenia, Indi dhe Indonezi.

Përmes një postimi në Facebook, Hasani theksoi se me këtë vendim po forcohet pasaporta shqiptare në botë, përcjell Arbresh.info

Postimi i plotë:

Shqipëria do të ketë së afërmi përfaqësitë e saj diplomatike edhe në Kenia, Indi e Indonezi, duke forcuar kështu pasaportën shqiptare në botë.

Në Këshillin e Ministrave, sot miratuam hapjen e ambasadave në këto 3 shtete, nisur nga objektivat strategjike afatmesme dhe afatgjata, të nxitur nga kërkesa e vazhdueshme, për të qenë edhe më efektivë në marrëdhëniet ndërkombëtare.

Kjo nismë u mor nga Ministria për Evropën dhe Punët e Jashtme, duke vlerësuar kontributin dhe peshën specifike që çdo vend projekton në arenën ndërkombëtare dhe rolin gjithnjë e më të madh të Shqipërisë në organizmat ndërkombëtarë.

Turizmi dhe zgjerimi i hartës së lëvizjeve të shtetasve shqiptarë për qëllime turistike, është një tjetër argument, mbi të cilin MEPJ u mbështet për propozimin e hapjes së 3 përfaqësive të reja.

Pas vendimit të sotëm, numri i përfaqësive shqiptare në botë shkon në 60, ndër të cilat 44 ambasada, 9 konsullata të përgjithshme dhe 7 misione të përhershme.

Nis asfaltimi i rrugës të një nga zonat më të bukura turistike në Kosovë